"Barselona" yarim himoyachisi Mark Bernal og‘ir jarohatidan tiklanishni davom ettirmoqda.
17 yoshli futbolchi mavsumni yorqin boshladi, Xans-Diter Flik jamoasining asosiy tarkibiga kirdi, biroq avgust oyida xochsimon paylari yirtilib, safdan chiqdi.
Umidli yulduzning qaytishi aprel oyining oxiriga rejalashtirilgan. Relevo nashrining xabar berishicha, “Barselona” Bernalning jiddiy jarohatiga qaramay unga ko‘r-ko‘rona ishonishda davom etmoqda.
Tayanch yarim himoyachi tezda tuzalib ketishi kutilmoqda. “Ko‘k-anorranglilar” murabbiylar shtabi uning yangi mavsumda yana asosiy tarkibdan joy olishiga ishonch bildirmoqda.
