"Barselona" sport direktori Deku "Santos" hujumchisi Neymar Kataloniya klubiga qaytishi mumkinligi haqidagi mish-mishlarga izoh berdi.

"Iqtisodiy vaziyat yaxshi bo‘lsa, Neymar "Barselona"da bo‘ladimi? Menimcha, gap faqat iqtisodiyotda emas... Men Neymarga qoyil qolaman. Kelgusi mavsum uchun aniq rejalarimiz yo‘q, ko‘plab omillar bor," - deya Dekuning so‘zlarini keltiradi Barca Times.

Dekuning qo‘shimcha qilishicha, Neymar buyuk futbolchi bo‘lsa-da, jamoa tuzish mukammal rejalashtirishni talab qiladi.