Elit Chempionlar Ligasi nimchorak final javob o‘yinida 11 martdan 12 martga o‘tar kechasi "Paxtakor" Riyodda "Al-Hilol"ga qarshi maydonga tushadi.

Dastlabki bahsda jamoamiz Flamarion kiritgan to‘p evaziga g‘alaba qozondi. Chorak finalga chiqish uchun har qanday hisobdagi g‘alaba yoki durang bizni qoniqtiradi.
Safardagi gollar qoidasi qo‘llanilmaydi va jamoalarning ikki uchrashuv bo‘yicha gollari teng bo‘lgan taqdirda qo‘shimcha bo‘limlar hamda penaltilar seriyasiga murojaat etiladi.
"Paxtakor"dan Sardor Sobirxo‘jayev diskvalifikasiya sababli mazkur bellashuvni ham o‘tkazib yuboradi.

"Al-Hilol" va "Paxtakor" jamoalari o‘rtasidagi bahs 11 martdan 12 martga o‘tar kechasi Toshkent vaqti bilan 01:00da Riyoddagi "Kingdom Arena" stadionida boshlanadi.