"Barselona" futbolchisi Jyul Kunde o‘ng qanot himoyasida o‘ynashga o‘rganib qolgan. Avvalroq matbuotda fransuzning boshqa pozisiyada o‘ynashidan noroziligi haqida muntazam ravishda gap-so‘zlar tarqalgan edi. Diario Sport nashri tarqatgan xabarga ko‘ra, nominal markaziy himoyachi o‘ng qanot himoyasiga uzil-kesil o‘rganib olgan va bu pozisiya o‘yinchisi sifatida rivojlanishda davom etmoqchi. Qolaversa, Kunde hatto qanotda o‘ynashni yoqtiradi va dunyoning eng yaxshi o‘ng qanot himoyachisi bo‘lishga umid qilmoqda.

Jyul Kunde joriy mavsum Xans-Diter Flik jamoasi safida barcha musobaqalarda 42 ta o‘yinda maydonga tushdi va 3 ta gol hamda 8 ta golli uzatmaga mualliflik qildi. Futbolchining shartnomasi 2027 yilgacha mo‘ljallangan.