"Барселона" футболчиси Жюль Кунде ўнг қанот ҳимоясида ўйнашга ўрганиб қолган. Аввалроқ матбуотда французнинг бошқа позицияда ўйнашидан норозилиги ҳақида мунтазам равишда гап-сўзлар тарқалган эди. Diario Sport нашри тарқатган хабарга кўра, номинал марказий ҳимоячи ўнг қанот ҳимоясига узил-кесил ўрганиб олган ва бу позиция ўйинчиси сифатида ривожланишда давом этмоқчи. Қолаверса, Кунде ҳатто қанотда ўйнашни ёқтиради ва дунёнинг энг яхши ўнг қанот ҳимоячиси бўлишга умид қилмоқда.

Жюль Кунде жорий мавсум Ханс-Дитер Флик жамоаси сафида барча мусобақаларда 42 та ўйинда майдонга тушди ва 3 та гол ҳамда 8 та голли узатмага муаллифлик қилди. Футболчининг шартномаси 2027 йилгача мўлжалланган.