Futbol muxlislari YECHL 1/8 finalidan o‘rin olgan “Atletiko” – “Real” uchrashuvining birinchi bo‘limi o‘rtalarida sodir bo‘lgan bahsli lahzani qizg‘in muhokama qilishmoqda.
To‘p jarima maydonchasi ichida Juliano Simeonening qo‘liga tegdi, biroq bosh hakam Shimon Marsinyak penalti belgilamaslikka qaror qildi va VAR vaziyatga aralashmadi.
Sobiq hakam Anatoliy Sinyayev epizodga izoh berdi.
U Marsinyakning qarorini qo‘llab-quvvatladi.
"Qo‘l tana bo‘ylab tabiiy osilib turgandi. G‘ayritabiiy harakatlar bo‘lmadi. Boshqa bir kadrda qo‘l biroz uzoqroqqa siljiganga o‘xshaydi.
Lekin bu biroz aldamchi", - dedi Sinyayev.
