"Tottenxem" yarim himoyachisi Jeyms Meddison Niderlandiyaning AZ Alkmaar klubiga qarshi o‘yindagi muvaffaqiyatidan so‘ng jurnalistlarning savollariga javob berdi.
Ange Postekoglu jamoasi birinchi o‘yinda 0:1 hisobida mag‘lub bo‘lgandi, ammo o‘z maydonida 3:1 hisobida g‘alaba qozondi. "Shporlar" Yevropa Ligasi chorak finalida o‘ynaydi - u yerda ularning raqibi Frankfurtning "Ayntraxt" jamoasi bo‘ladi.
"Biz qarama-qarshilik boshlanishidan oldin rejalashtirganimizdek, keyingi bosqichga chiqdik. Birinchi o‘yindan keyin ko‘p gap-so‘zlar bo‘ldi va biz o‘zimizga nisbatan rostgo‘y edik - o‘shanda yomon o‘ynagandik. Biz nimalarga qodir ekanligimizni bilaman. Bu safar ishimizni bajarishga muvaffaq bo‘ldik. Ammo biz hali hech narsaga erishmadik, oldinda chorak final bor. Kurashishda davom etamiz va keyingi o‘yinlarni intiqlik bilan kutamiz," - dedi Meddison TNT Sports'ga bergan intervyusida.
