17 yoshli Lamin Yamal "Barselona"ga "Atletiko" (4:2) ustidan g‘alaba keltirdi va uzoq vaqtdan beri birinchi marta La Ligada gol urdi.
72-daqiqagacha kataloniyaliklar 0:2 hisobida yutqazayotgandi, ammo ular nafaqat mag‘lubiyatdan qutulib qolishdi, balki eng muhim uch ochkoni ham qo‘lga kiritishdi. Uchrashuvning 92-daqiqasida Yamalning goli g‘alaba keltirdi. Yosh vinger uchun bu o‘tgan yilning oktyabr oyidan buyon La Liga doirasida urilgan ilk gol bo‘ldi.
"La Ligadagi golsiz seriyam muhim o‘yinda yakunlanishini bilardim. Ammo agar jamoa g‘alaba qozongan bo‘lsa, men gol urganim yoki urmaganim meni qiziqtirmaydi," - dedi Yamal DAZN bilan suhbatda.
