APLda kelasi mavsumdan Puma to‘plari o‘ynaladi.
Premyer-liga Puma bilan kelishuv shu yozda kuchga kirishini e’lon qildi - turnirning yangi rasmiy to‘pi iyul oyida AQSHda taqdim etiladi. Bungacha APLda 5 yil davomida Nike brendi to‘plaridan foydalanilgan.
"Dunyodagi eng mashhur futbol ligasi bo‘lgan Premyer-liga bilan kelishuv Puma brendini ilgari surish strategiyasida muhim qadamdir.
Biz o‘yin texnologiyalarimizni birinchi o‘ringa olib chiqish va butun dunyo bo‘ylab ko‘plab muxlislar bilan aloqa o‘rnatish imkoniyatini intiqlik bilan kutamiz.
Aql bovar qilmaydigan liganing har bir o‘yinida Puma to‘pi diqqat markazida bo‘lar ekan, biz futbolchilar va muxlislar uchun unutilmas lahzalar yaratamiz," - dedi Puma direktori Arne Froyndt.
Eslatib o‘tamiz, Puma brendining to‘plari allaqachon Angliya Liga kubogida foydalanilmoqda. Ular La Liga va A Seriyada ham ishlatilinadi.
