"Barselona" klubi va Polsha terma jamoasi forvardi Robert Levandovski o‘z o‘rinbosari haqida gapirdi.
36 yoshli futbolchi hali ham ajoyib samaradorlik ko‘rsatmoqda va hozircha faoliyatini yakunlashni rejalashtirmayapti, ammo klubda ham, terma jamoada ham uning o‘rnini bosuvchi futbolchi topish zarurligi haqidagi gap-so‘zlar tobora ko‘payib bormoqda.
"Kimdir "Levandovski vorisi" yorlig‘ini taqishni istashiga ishonchim komil emas, u bunday bosimga tayyor bo‘lishi dargumon. Kerakli salohiyatga ega futbolchi topilgan taqdirda ham, bu mavzudagi ommaviy muhokamalar keraksiz keskinlikni keltirib chiqarishi mumkin," - dedi hujumchi matbuot anjumanida.
