“Lill” hujumchisi Jonatan Devid yozda erkin agentga aylanadi. Kanadalik hujumchi ko‘plab top-jamoalar uchun jozibador variantdir. Unga "Vest Xem", "Arsenal" va "Liverpul" klublari qiziqish bildirishgan, biroq futbolchining o‘zi avvalroq "Barselona"da o‘ynashni orzu qilishini tan olgandi.
"Men har qanday ligaga moslasha olaman deb o‘ylayman. Har bir liganing o‘ziga xos xususiyatlari bor. Premyer-liga boshqa ligalarga qaraganda tezroq va jismoniy jihatdan kuchliroq. Lekin men La Liganing ko‘plab o‘yinlarini ko‘rib o‘sganman. Bu ligani tomosha qilish menga eng yoqqan, shuning uchun ham bir kun kelib u yerda bo‘lishni xohlayman", deydi futbolchi.
Kanadalik ushbu mavsumda “Lill” safida barcha musobaqalarda 41 ta o‘yinda maydonga tushib, 23 ta gol va 10 ta golli uzatmaga mualliflik qilgan.
