“Лилль” ҳужумчиси Жонатан Дэвид ёзда эркин агентга айланади. Канадалик ҳужумчи кўплаб топ-жамоалар учун жозибадор вариантдир. Унга "Вест Хэм", "Арсенал" ва "Ливерпуль" клублари қизиқиш билдиришган, бироқ футболчининг ўзи аввалроқ "Барселона"да ўйнашни орзу қилишини тан олганди.

"Мен ҳар қандай лигага мослаша оламан деб ўйлайман. Ҳар бир лиганинг ўзига хос хусусиятлари бор. Премьер-лига бошқа лигаларга қараганда тезроқ ва жисмоний жиҳатдан кучлироқ. Лекин мен Ла Лиганинг кўплаб ўйинларини кўриб ўсганман. Бу лигани томоша қилиш менга энг ёққан, шунинг учун ҳам бир кун келиб у ерда бўлишни хоҳлайман", дейди футболчи.

Канадалик ушбу мавсумда “Лилль” сафида барча мусобақаларда 41 та ўйинда майдонга тушиб, 23 та гол ва 10 та голли узатмага муаллифлик қилган.