Italiya terma jamoasi Germaniyaga qarshi o‘yinda (3:3) kambek qildi, ammo baribir ikki o‘yin natijasiga ko‘ra mag‘lub bo‘ldi. "Skuadra Adzurra" Millatlar Ligasi 1/4 finalining javob o‘yinining birinchi bo‘limidan so‘ng 0:3 hisobida mag‘lub bo‘layotgandi, ammo 49 va 69-daqiqalarda Moyze Kinning gollari evaziga intrigani qaytara oldi. O‘yin oxirida Jakomo Raspadori penaltini aniq amalga oshirib, hisobni tenglashtirdi, ammo bu yetarli bo‘lmadi - Germaniyaga birinchi o‘yindagi g‘alaba (2:1) yordam berdi.
Shunga qaramay, Opta statistika mutaxassislari ta’kidlaganidek, italiyaliklar o‘z rekordini o‘rnatdi: ular tarixda birinchi marta raqib uchta to‘p farqi bilan oldinda borayotgan bahsda mag‘lubiyatga uchramadi.
