Tiago Motta "Yuventus"dagi faoliyati yakuniga qadar hech narsani o‘zgartirishni istamadi.
42 yoshli mutaxassis 23 mart kuni bosh murabbiylikdan bo‘shatilgandi.
Football Italia nashrining La Republicca'ga tayanib xabar berishicha, terma jamoalar o‘yinlari tufayli tarkibning yarmi ishtirok etmagan so‘nggi mashg‘ulotlarni ba’zi futbolchilar "syurrealistik" deb ta’riflashgan.
"Bosh murabbiy ehtirossiz va jimgina bir chetda turdi, ishlar yaxshi ketayotgan vaqtga nisbatan hech qanday yangi gap aytmadi.
U uchta turnirdan chiqib ketishiga va oxir-oqibat Chempionlar Ligasi yo‘llanmasi uchun kurashdan chiqib ketishiga olib kelgan usullarni o‘zgartirmoqchi ekani ko‘rinmasdi.
O‘zgarmaslikka qat’iy sodiqlikda Tyago o‘zgarishni emas, balki ketishni afzal ko‘rdi," - deyiladi nashrda.
"Yuventus"ga yangi bosh murabbiy etib Igor Tudor tayinlandi.
