Тиаго Мотта "Ювентус"даги фаолияти якунига қадар ҳеч нарсани ўзгартиришни истамади.
42 ёшли мутахассис 23 март куни бош мураббийликдан бўшатилганди.
Football Italia нашрининг La Republicca'га таяниб хабар беришича, терма жамоалар ўйинлари туфайли таркибнинг ярми иштирок этмаган сўнгги машғулотларни баъзи футболчилар "сюрреалистик" деб таърифлашган.
"Бош мураббий эҳтироссиз ва жимгина бир четда турди, ишлар яхши кетаётган вақтга нисбатан ҳеч қандай янги гап айтмади.
У учта турнирдан чиқиб кетишига ва охир-оқибат Чемпионлар Лигаси йўлланмаси учун курашдан чиқиб кетишига олиб келган усулларни ўзгартирмоқчи экани кўринмасди.
Ўзгармасликка қатъий содиқликда Тьяго ўзгаришни эмас, балки кетишни афзал кўрди," - дейилади нашрда.
"Ювентус"га янги бош мураббий этиб Игор Тудор тайинланди.
