Antuan Grizmann katta ehtimol bilan "Atletiko"da qoladi.
AS xabariga ko‘ra, Madrid klubi va futbolchi terma jamoalar o‘yinlaridagi tanaffus vaqtida muloqot qilib, kelasi mavsum rejalariga oydinlik kiritishga qaror qilishgan. Muzokaralar yakunida ikkala tomon ham hamkorlikni davom ettirmoqchi ekanligi ma’lum bo‘ldi. Shu bilan birga, hali hech qanday rasmiy takliflar kelib tushmadi.
"Atletiko" rahbariyati futbolchiga uning 2025/26 yilgi mavsumda yordam berishiga umid qilayotganini ma’lum qilgan. Jamoa bosh murabbiyi Diyego Simeone 34 yoshli fransuzning o‘yinidan juda mamnun.
Tomonlar muzokaralarni davom ettirishga kelishib oldilar. Qayd etilishicha, Grizmanning faoliyatini davom ettirish uchun boshqa variantlari ham bor.
Avvalroq, forvard "Los-Anjeles"ga o‘tishga yaqin ekani haqida xabarlar tarqalgan edi.
Antuan joriy mavsum La Ligada 28 ta o‘yinda maydonga tushdi va o‘z hisobiga 8 ta gol hamda 5 ta golli uzatma yozdirib qo‘yishga erishdi.
