Антуан Гризманн катта эҳтимол билан "Атлетико"да қолади.
AS хабарига кўра, Мадрид клуби ва футболчи терма жамоалар ўйинларидаги танаффус вақтида мулоқот қилиб, келаси мавсум режаларига ойдинлик киритишга қарор қилишган. Музокаралар якунида иккала томон ҳам ҳамкорликни давом эттирмоқчи эканлиги маълум бўлди. Шу билан бирга, ҳали ҳеч қандай расмий таклифлар келиб тушмади.
"Атлетико" раҳбарияти футболчига унинг 2025/26 йилги мавсумда ёрдам беришига умид қилаётганини маълум қилган. Жамоа бош мураббийи Диего Симеоне 34 ёшли французнинг ўйинидан жуда мамнун.
Томонлар музокараларни давом эттиришга келишиб олдилар. Қайд этилишича, Гризманнинг фаолиятини давом эттириш учун бошқа вариантлари ҳам бор.
Аввалроқ, форвард "Лос-Анжелес"га ўтишга яқин экани ҳақида хабарлар тарқалган эди.
Антуан жорий мавсум Ла Лигада 28 та ўйинда майдонга тушди ва ўз ҳисобига 8 та гол ҳамда 5 та голли узатма ёздириб қўйишга эришди.
