"Navbahor" – "Andijon" (2:2) bellashuvidan keyin tashkil etilgan matbuot anjumanining ikkinchi qismida mezbonlar bosh murabbiyi Sergey Lushchan qatnashdi.

- Bugungi o‘yinni shunday o‘tishini kutgandik. Menimcha, hisob adolatli bo‘ldi. Uchrashuv oxirlarida qizil kartochka oldik va gol o‘tkazib yubordik. Bu futbol. Nima ham deymiz, futbolda shunaqa vaziyatlar ham uchrab turadi.

- Muxlislarni performansi va umuman bugungi muxlislik borasida nima deya olasiz?

- To‘g‘ri, muxlislar bizni qo‘llab-quvvatlashadi. Lekin negativ tomonlari ham bo‘ladi. Ba’zida o‘z jamoasiga qarshi muxlislik ham qilishadi. Ammo ishqibozlarning olqishlashi ostida to‘p surish ajoyib. Lekin ba’zi futbolchilarga bu o‘zining salbiy ta’sirini o‘tkazadi. Bugun yigitlarga o‘zlariga kelib olishlari uchun 20 daqiqa kerak bo‘ldi. Baribir ularning qo‘llashi bizga zavq bag‘ishlaydi.

- Derbidagi o‘yin uchun rahmat. Bunday o‘yinlarni sog‘ingan edik. Har yili bosim ostida o‘ynardik. Sizni xayron qoldirdimi-yo‘qmi, "Andijon"ning iikala goli himoyachilar xatosi bilan kiritildi. Nima, bu ruhiy jihatdan o‘ziga ishonmaslik oqibatimi? Oddiy vaziyatda ikkita gol o‘tkazib yubordik?

- Biz o‘z  xatolarimiz tufayli gollar o‘tkazib yubordik. Boshqa tomondan raqib oxirgi daqiqalarda ochiq o‘yiga o‘tdi. Darvozabon agar ertaroq chiqqanida burchak to‘pi bo‘lmasligi kerak edi. O‘tgan yilgi finaldagi holat takrorlandi. Bizda bunday xatolar doim takrorlanmayapti. O‘tgan o‘yinda 3:2 hisobida yutdik. Bunday xatolar bo‘lmagan edi. Bu futbol, busiz iloji yo‘q. Ularda ikkita xato bo‘ldi, biz gol urdik. Natija adolatli bo‘ldi. Raqib tajribali edi, biz to‘pni pasdan nazorat qilmoqchi bo‘ldik.

- O‘yinni yaxshi boshlab, yomon tugatdik...

- Nimaga yomon tugatdik? Men bunday o‘ylamayman. Agar yutqazgan bo‘lganimizda ham yigitlarga rahmat aytgan bo‘lardim. Hozirgi holatimizni yaxshi bilamiz. Raqib oxirgi daqiqalarda taklif etgan o‘yini, jamoa bo‘lib hujumga o‘tishi, bunga qarshi o‘ynash qiyin. Buni iloji yo‘q, mashg‘ulotlarda bunga qarshi shug‘ullanmaymiz. Ko‘plab o‘yinchilarimiz boshqa saviyada bizga kelib qo‘shilishgan. Ularni shakllantirib borish kerak. Jamoa bor, har bir o‘yinda qo‘shib boramiz.

- Zaxiradan maydonga tushganlar o‘zini oqladimi?

- 100 foiz men o‘yindagi vaziyatga qarab o‘zgarish qilaman. Toirovni tushirdim, u yuqoridan yaxshi o‘ynay oladi. Xato standart vaziyatda yuzaga keldi. Olis burchakka yo‘naltirildi, pala-partish kiritildi. Biz hech nima qila olmasdik. Hamma almashtirishlar to‘g‘ri amalga oshirildi. Bizda oldindan o‘ylangan o‘yinchi almashtirish yo‘q. Agar o‘yinda hammasi yaxshi ketsa, umuman o‘zgarish qilmas edim.

- Azim Ahmedovni avvaliga himoyada o‘ynatdingiz. Uni markazga ko‘chirishga nima sabab bo‘ldi?

- Sababi biz maydon markazida o‘yinni boy berayotgan edik. 3 xil sxemada raqibdan kelib chiqib o‘ynaymiz. O‘tgan yili ham shunday edi. Kimdir bitta sxemada o‘ynaydi, biz 3 xil sxemada o‘ynaymiz. Ko‘rdikki, o‘rtada imkoniyatni boy berayotgandik. Shu bois Ahmedovni oldinroqqa o‘tkazdik. Azim ham, jamodaoshlari ham buni yaxshi bilishadi. Shundan keyin gol kiritdik.