"Bayer" kelasi mavsum uchun rejalar ustida ishlamoqda va bosh murabbiy Xabi Alonsoning iltimoslaridan biri himoyaning o‘ng qanotini "Rayo Valyekano" futbolchisi Andrey Ratiu bilan kuchaytirish.

Ratiu o‘zini jamoasining ishonchli o‘yinchilaridan biri sifatida ko‘rsatdi va Yevropaning bir qancha klublari qiziqishini uyg‘otdi.

"Rayo Valyekano" Ratiuning qadrini tushunib, uning ketishiga shunchaki yo‘l qo‘ymaydi. Futbolchining shartnomasida tovon puli 25 million yevro qilib belgilangan.

Joriy mavsumda ruminiyalik futbolchi La Ligada 27 ta o‘yinda maydonga tushib, 2 ta gol urdi, 3 ta golga assistentlik qildi va 4 ta sariq kartochka oldi.