Juma kuni "Bavariya" safarda "Augsburg" mehmoni bo‘lib, 3:1 hisobida g‘alaba qozondi. Hujumkor yarim himoyachi Jamal Musiala jarohat oldi - Myunxen jamoasining yetakchi o‘yinchilaridan biri ikkinchi bo‘lim boshida almashtirishga muhtoj bo‘ldi.

Germaniyaning Sky nashri tarqatgan xabarga ko‘ra 22 yoshli Musialada paylar uzilishi aniqlangan. Futbolchining tiklanishi uchun taxminan sakkiz hafta kerak bo‘ladi. Shu tariqa Jamal mavsumning qolgan qismini o‘tkazib yuborishi mumkin. Vaholanki, futbolchi Chempionlar Ligasi finaliga (31 may) qaytishga umid qilishi mumkin.

"Bavariya" navbatdagi o‘yinini 8 aprel kuni Chempionlar ligasi chorak finalida o‘z maydonida "Inter"ga qarshi o‘tkazadi.