"Sevilya"ning qishki yangi futbolchisi jarohat tufayli mavsum oxirigacha safdan chiqdi.
Andalusiya klubi rasmiy saytida aytilishicha, 26 yoshli shveysariyalik vinger Ruben Vargas La Liganing 30-turidan o‘rin olgan "Atletiko"ga (1:2) qarshi o‘yinda tizza osti payidan ikkinchi darajali jarohat olgan.
Hujumchi yana bir nechta tibbiy ko‘rikdan o‘tishi kerak, ammo OAVda futbolchining tiklanishi taxminan 6-8 hafta davom etishi haqida ma’lumotlar paydo bo‘ldi. Shu tariqa Vargas joriy mavsumning qolgan qismini o‘tkazib yuborishi mumkin.
