Italiyaning "Milan" klubi e’tiborini "Fiorentina"ning o‘ng qanot himoyachisi Dodoning o‘yiniga qaratdi.
Bir necha kun oldin A seriyaning 31-turi doirasida o‘tkazilgan jamoalarning yuzma-yuz uchrashuvida Dodo golli uzatmani amalga oshirdi va video ko‘rib chiqish natijasida inobatga olinmagan golga mualliflik qildi.
Futbolchining narxi kamida 20 million yevroga yetishi mumkin, deb xabar beradi Calciomersato. "Milan"dan tashqari "Barselona" ham 26 yoshli braziliyalikning o‘yinini diqqat bilan kuzatib bormoqda.













