"Manchester Yunayted" afsonasi va fransiyalik sobiq futbolchi Erik Kantona klub rahbariyatining harakatlariga keskin qarshi chiqdi. Xususan, bu klub va uning shon-shuhrat aurasini yaratgan ser Aleks Fergyusonga bo‘lgan munosabat uni g‘azablantirdi.
"Manchester Yunayted"ning yangi rahbariyati Fergyusonni klub vakili sifatida qabul qilishdan bosh tortganida hayratda qoldim. Bu odam shunchaki afsona emas, u afsonadan ham ko‘proq va bu klubni yaxshiroq namoyish eta oladigan boshqa hech kim yo‘q", - deya Kantona so‘zlarini keltiradi derbyderbyderby.it.
Kantona 1992 yildan 1997 yilgacha "Manchester Yunayted"da o‘ynagan.
