Toshkentdagi “Bunyodkor” stadionida bo‘lib o‘tgan 5-tur bellashuvida hisob ochilmadi. «Bunyodkor» o‘z maydonida bo‘lib o‘tgan "Qizilqum"ga qarshi o‘yinda muhim 2 ochko yo‘qotdi.

"Bunyodkor" to‘pni ko‘proq nazorat qilgan va tashabbus ko‘proq ularda bo‘lganiga qaramay, muhim yutuqqa erisholmadi.

O‘yin faol ruhda boshlandi. 10-daqiqalar atrofida Martin bir necha marta uzoq masofadan zarbalar yo‘lladi, biroq ular noaniq bo‘ldi. Uning keyingi harakatlarida ham to‘pni darvozaga aniq yo‘naltirish muvaffaqiyatsiz tugadi. Birinchi taym 0:0 hisobida yakunlandi.

Ikkinchi bo‘limda “Bunyodkor” yanada faol harakat qildi. Jamoa murabbiyi bir nechta almashinuvlar bilan o‘yinga yangi kuch bag‘ishlashga urindi: Muzaffar Olmjonov, Azizbek Omonov, Temurxo‘ja Abduxoliqov kabi futbolchilar maydonga tushirildi. Abduxoliqov bosh bilan yo‘llagan zarba ustunga tegdi — bu, albatta, eng xavfli vaziyatlardan biri bo‘ldi.

Bundan tashqari, Omonov va Najmiddin ham zarbalar yo‘lladi, ammo ular ham samara bermadi. E’tiborli jihat shundaki, 80-daqiqadan so‘ng Temurxo‘ja Abduxoliqov to‘g‘ridan-to‘g‘ri qizil kartochka olib maydondan chetlatildi — bu esa “Bunyodkor”ning so‘nggi daqiqalardagi hujumlarining sustlashishiga olib keldi.

Qo‘shimcha qilingan 7 daqiqada ham natija o‘zgarmadi va jamoalar ochkolarni bo‘lib olishdi.

"Bunyodkor" 11 ochko bilan vaqtinchalik bo‘lsa-da yaqqol peshqadamga aylangan bo‘lsa, "Qizilqum" 4 ochko bilan 12-pog‘onani egallab turibdi.

Superliga, 5-tur
"Bunyodkor" – "Qizilqum" 0:0