«Manchester Yunayted» jamoasining yarimhimoyachisi va sardori Brunu Fernandesh Angliya Premyer-ligasining 32-turidan o‘rin olgan «Nyukasl»ga qarshi uchrashuvdagi yirik mag‘lubiyat (1:4) haqida fikr bildirdi.

«Jamoadoshlarimdan faqat shu bois ranjidimki, men ularning qanchalik kuchli ekanini bilaman. Bu klub sharafini himoya qilish qanday og‘ir ekanini tushunaman. Ular chin dildan jamoaga foyda keltirishni, g‘alaba qozonishni istaydi, chunki agar "Manchester Yunayted" bilan muvaffaqiyatga erishishsa, tarixda qanday eslashlarini bilishadi.

Buni baholash qiyin — biz yutqazdik. Birinchi bo‘limda yomon o‘ynamadik, lekin ikkinchi bo‘limda shunchaki davom ettira olmadik. Bu mavsum biz uchun juda og‘ir kechmoqda, ko‘p narsa deyish qiyin. Turnir jadvalidagi o‘rnimiz klub maqomiga to‘g‘ri kelmaydi, afsuski, biz kerakli natijalarga erisha olmayapmiz. Oldinga qarash kerak — oldimizda muhim o‘yin bor, boshni "tozalash" va kurashish zarur», — deya Fernandeshning so‘zlarini keltiradi "Mirror" nashri.

Ayni paytda «Manchester Yunayted» jamoasi Angliya chempionati turnir jadvalida 38 ochko bilan 14-o‘rinda bormoqda.