"Chelsi" futbolchisi Jeydon Sancho "Ipsvich"ga qarshi o‘yin va mavsumning qolgan qismidagi maqsadlari haqida fikr bildirdi.
"Ko‘klar" o‘z uyida autsayderlardan birini mag‘lub eta olmadi - 2:2. Enso Mareska jamoasi Premyer-liga turnir jadvalida 32-turdan so‘ng oltinchi o‘rinda bormoqda.
"Natijadan qoniqmadik. Menimcha, yaratilgan vaziyatlar sonini hisobga olsak, kamida to‘rtta gol urishimiz kerak edi. "Ipsvich" darvozaboni oldida shlyapamni yechaman, u bir nechta aql bovar qilmaydigan qutqaruvlarni amalga oshirdi.
Biz Chempionlar Ligasi yo‘llanmasi uchun kurashni davom ettiramiz, qolgan oltita o‘yin juda muhim bo‘ladi. Bundan buyon har bir o‘yin - final," - deya Sanchoning so‘zlarini keltiradi "Chelsi" matbuot xizmati.
