"Челси" футболчиси Жэйдон Санчо "Ипсвич"га қарши ўйин ва мавсумнинг қолган қисмидаги мақсадлари ҳақида фикр билдирди.
"Кўклар" ўз уйида аутсайдерлардан бирини мағлуб эта олмади - 2:2. Энцо Мареска жамоаси Премьер-лига турнир жадвалида 32-турдан сўнг олтинчи ўринда бормоқда.
"Натижадан қониқмадик. Менимча, яратилган вазиятлар сонини ҳисобга олсак, камида тўртта гол уришимиз керак эди. "Ипсвич" дарвозабони олдида шляпамни ечаман, у бир нечта ақл бовар қилмайдиган қутқарувларни амалга оширди.
Биз Чемпионлар Лигаси йўлланмаси учун курашни давом эттирамиз, қолган олтита ўйин жуда муҳим бўлади. Бундан буён ҳар бир ўйин - финал," - дея Санчонинг сўзларини келтиради "Челси" матбуот хизмати.
