"Yuventus" "Genk"ning hujumkor yarim himoyachisi Konstantinos Karesasni kuzatib bormoqda.
Turinlik skautlar Gresiya terma jamoasining 17 yoshli debyutantini Belgiya chempionatining so‘nggi turida "Bryugge"ga qarshi o‘yinda (0:1) tomosha qilishdi.
Karesasga "Bavariya," "Manchester Siti," "Liverpul" va "Nyukasl" ham qiziqish bildirmoqda, "Genk" esa yarim himoyachini 15 mln yevroga baholamoqda.
Joriy mavsumda barcha musobaqalarda 33 ta o‘yinda Karesas "Genk" safida 3 ta gol va 4 ta golli uzatmani amalga oshirdi.













