"Milan" jamoasi bosh murabbiyi Serjiu Konseysau A Seriya 33-turidan o‘rin olgan "Atalanta"ga (0:1) qarshi o‘yindan keyin kelajagi haqidagi savolga javob qaytardi.
"Rossonerilar" turnir jadvalida to‘qqizinchi o‘rinda bormoqda va yevrokubok zonasidan uzoqlashishda davom etmoqda, bu esa portugaliyalik murabbiyning mavsum yakunida iste’foga chiqishi mumkinligi haqidagi mish-mishlarni yanada kuchaytirmoqda.
"Men kelganimda Italiya Superkubogi va A Seriyaning birinchi o‘yinida g‘alaba qozongandik, ammo o‘sha paytlardayoq odamlar mendan keyin "Milan"ni boshqarishi mumkin bo‘lgan murabbiylarni muhokama qilishayotgandi. Menda bu borada muammo yo‘q, men futbolda 40 yildan beri ishlayman, lekin men bilan ishlaydigan odamlar bu voqealarning barchasini ko‘rishadi va bu barqarorlikka hissa qo‘shmasligi aniq.
Men hurmatni ko‘rmayapman. Men haqimda go‘yo hech qachon murabbiy bo‘lib ishlamagandek gapirishadi. Kelajagim - "Inter" bilan bo‘lajak o‘yinga tayyorgarlik," - deya Konseysauning so‘zlarini keltiradi Football Italia.
