Markus Reshfordning kelajagi faqat mavsum yakunida ma’lum bo‘ladi.

The Independent nashri tarqatgan xabarga ko‘ra "Aston Villa" ijara muddati yakunlanganidan so‘ng "MYU" forvardini to‘laqonli transfer qilmoqchi. O‘z navbatida, mankunianliklar APL moliyaviy qoidalariga yaxshiroq rioya qilishlarini ta’minlashlari kerak - bundan tashqari, Amorim kelajakda Reshfordga umid qilmasa kerak.

Shu bilan birga, qayd etilishicha, "MYU" "Aston Villa" hujumchisi Olli Uotkinsga qiziqish bildirmoqda, biroq muzokaralar murakkabligi tufayli uni Reshford transferiga qo‘shish varianti ehtimoldan yiroq.

Reshfordning o‘zi esa "Aston Villa"dagi mavqeidan, jamoa va bosh murabbiy Unai Emeri bilan munosabatlaridan mamnun. Biroq Markus va uning atrofidagilar yozgacha kelajakni muhokama qilishni rejalashtirmayapti, chunki futbolchi mavsumning qolgan qismida va Angliya kubogi hamda Chempionlar ligasi yo‘llanmasi uchun kurashga e’tibor qaratmoqda.

Reshford qishki transferlar vaqtida "Aston Villa"ga ko‘chib o‘tdi. Birmingemliklar safida 17 ta o‘yinda u 4 ta gol va 5 ta golli uzatmani amalga oshirdi.