Ispaniya kubogi finalida Eduardo Kamavinga o‘rniga Ferlan Mendi maydonga tushadi.
"Real" ertaga turnirning so‘nggi bahsida "Barselona"ga qarshi maydonga tushadi.
So‘nggi mashg‘ulotlarda himoyachi Chempionlar Ligasi 1/8 finalidan o‘rin olgan "Atletiko"ga qarshi javob o‘yinida olgan jarohatidan forig‘ bo‘lganini namoyish etdi. Shu munosabat bilan Karlo Anchelotti Mendini shanba kungi o‘yin uchun asosiy tarkibga kiritadi, deb xabar beradi Marca.
Dastlab qanot himoyasida Kamavinga o‘ynashi rejalashtirilgandi. Biroq, fransuz sonidan olgan jarohati tufayli mavsum oxirigacha safdan chiqqan.
Qayd etilishicha, bosh murabbiy bunday o‘yinlarda Mendining tajribasiga tayanishni ma’qul ko‘rmoqda va uni Fran Garsiya o‘rniga tanlamoqda.













