Superlining 7-turi doirasida bo‘lib o‘tgan «Nasaf» — «Qizilqum» (4:0) uchrashuvidan so‘ng mezbonlar bosh murabbiyi Ro‘ziqul Berdiyev matbuot anjumanida ishtirok etib, jurnalistlar savollariga javob berdi.

— Avvalo, bugungi g‘alaba bilan barcha muxlislarimizni samimiy tabriklayman. Uchrashuvning birinchi bo‘limida raqib yaxshi himoyalandi va biz uchun himoyani yorib o‘tish ancha qiyin bo‘ldi. Shuning uchun yigitlarga sabr bilan pozision hujumlarga o‘tish va vaziyatlar yaratish zarurligini uqtirdik.

Yigitlar topshiriqni to‘g‘ri bajara olishdi va birinchi gol kiritilgach, o‘yinimiz ancha ochildi. Bu natija ham o‘z aksini topdi.

Bugun hujumkor o‘ynab, kerakli natijaga erishdik. Barcha futbolchilarimizga rahmat!