Madridning “Real” klubi “Liverpul”ning 26 yoshli yarim himoyachisi Aleksis Makallisterga qiziqish bildirmoqda.

Manbaga ko‘ra, mersisaydliklar 100 million yevrolik taklif tushsa, argentinalik futbolchini qo‘yib yuborishga tayyor. Ta’kidlanishicha, "qaymoqranglilar" Makallisterning o‘yin sifatini yuqori baholaydilar, ammo ko‘rsatilgan miqdorni juda yuqori deb hisoblashadi.

Joriy mavsumda Makallister barcha turnirlarda 47 ta uchrashuvda qatnashib, 7 ta gol urdi va 5 ta golli uzatmani amalga oshirdi.