"Torino" klubi murabbiyi Paolo Vanoli jamoasining "Venesiya"ga qarshi o‘yinida yiqilib tushdi. O‘yin 1:1 hisobida yakunlandi.
Hodisa raqib darvozasiga penalti belgilanganidan so‘ng tez orada sodir bo‘ldi. Vanoli penaltini qanday ijro etish bo‘yicha ko‘rsatma berayotganda, to‘satdan chayqalib ketdi va maydonga yiqildi. U bir necha soniya davomida o‘rnidan tura olmadi, deb xabar bermoqda Football Italia.
Vanoli tibbiy ko‘rikdan o‘tkazildi, uning sog‘lig‘iga hech qanday xavf yo‘q. Ehtimol, bu vaziyatda stressga bog‘liq holda qon bosimining pasayishi ro‘y bergan bo‘lishi mumkin.













