«Manchester Siti» bosh murabbiyi Xosep Gvardiola «Liverpul»ning sobiq ustozi Yurgen Kloppni o‘z murabbiylik karyerasidagi eng kuchli raqib deb atadi.
— Kloppning «Liverpul»i mening murabbiylik faoliyatimdagi eng katta sinov bo‘ldi. U doim menga bosh og‘rig‘i keltirgan. Uni to‘xtatish yo‘lini topish uchun murabbiylar shtabim bilan juda ko‘p kunu tun birga vaqt o‘tkazganmiz. Ba’zi vaqtlarda: «Men bunga erishdim», deb o‘ylardim, lekin ertasi kuni ruhan cho‘kardim. Men undan kuchli raqibni hech qachon uchratmaganman, — dedi Gvardiolaning so‘zlarini keltiradi "Marca" nashri.
Yurgen Klopp 2015 yildan 2024 yilgacha «Liverpul»da faoliyat yuritgan. 2025 yil 1 yanvaridan e’tiboran u Red Bull kompaniyasida global rahbar sifatida ish boshladi. Eslatib o‘tamiz, Klopp «Liverpul» bilan birga Angliya Premyer-ligasi va Chempionlar ligasida g‘alaba qozongan.













