Ertaga Fransiyada Chempionlar ligasi yarim finalining javob uchrashuvi doirasida "PSJ" hamda "Arsenal" o‘zaro bellashadi. Uchrashuvdan oldin tashkil etilgan matbuot anjumanida parijliklar bosh murabbiyi Luis Enrike "Arsenal" ustozi Mikel Arteta haqida fikr bildirdi.
"Men futbolchi bo‘lganimda Mikel bilan uchrashish baxtiga muyassar bo‘lganman. U juda yosh edi. Men uni kuchli shaxs sifatida eslayman. U ajoyib o‘yinchi va ajoyib murabbiyga aylandi. Unga omad tilayman, lekin ertangi o‘yinda emas", - dedi Luis Enrike UYEFA rasmiy saytiga.













