“Manchester Yunayted” hujumchisi Alexandro Garnacho Yevropa ligasi yarim finalida “Atletik”ka qarshi javob o‘yini oldidan fikr bildirdi.

"Hammamiz juda qattiq mashg‘ulot o‘tkazmoqdamiz. Biz yaxshilanmoqdamiz va yaxshiroq o‘ynashga harakat qilmoqdamiz. Biz bir-birimizga yordam beramiz. Biz ko‘proq gol urmoqchimiz. Ko‘proq gol ursak jamoa yaxshilanadi.

Agar Yevropa Ligasi kubogini qo‘lga kiritsak, bu bizga Chempionlar ligasiga yo‘llanma olish imkoniyatini beradi, shuning uchun keyingi mavsumga boshqacha ritm va boshqacha mentalitet bilan kiramiz. Biz Premer-ligada unchalik yaxshi natija bermayotganimizni bilamiz, ammo ertangi o‘yin biz uchun haqiqiy final va biz birinchi o‘yin natijasini unutishimiz kerak", deydi Garnacho.

20 yoshli argentinalik “Manchester Yunayted” safida barcha turnirlar doirasidagi 54 ta o‘yinda 11 ta gol urdi va 10 ta golli uzatmani amalga oshirdi.