Birlashgan Arab Amirliklarida shaxmat bo‘yicha Osiyo chempionati start olmoqda.
Mukofot jamg‘armasi 80 000 AQSH dollarini tashkil etuvchi mazkur musobaqada yurtdoshlarimiz ham ishtirok etishlari haqida avvalroq xabar bergandik.
Ma’lum bo‘lishicha, chempionatning erkaklar o‘rtasidagi bahslarida 33 mamlakatdan 156 nafar, ayollar o‘rtasidagi bellashuvlarda esa 23 mamlakatdan 101 nafar ishtirokchi qatnashadi.
Shuningdek, bungacha Yevropa qit’asi musobaqalarida qatnashgan va bir muddat turnirlardan chetlatilgan Rossiya terma jamoasi shaxmatchilari ham mazkur Osiyo chempionatida medallar uchun kurash olib borishadi.
