“Manchester Yunayted” bosh murabbiyi Ruben Amorim jamoasining Yevropa Ligasi finaliga chiqqanidan so‘ng fikr bildirdi.

Mankunianliklar yarim finalda “Atletik”ni mag‘lub etib (3:0, 4:1), hal qiluvchi bahsda “Tottenxem”ga qarshi maydonga tushadi.

“Bu finalga chiqish — muxlislarimiz uchun qila oladigan eng kam narsa. Lekin men allaqachon final haqida o‘ylayapman. Agar g‘alaba qozonmasak, buning barchasi hech qanday ahamiyatga ega bo‘lmaydi.

Yevropa Ligasida yaxshi o‘ynadik, lekin APLda muammolarimiz yetarlicha. Endi esa barcha e’tiborimizni navbatdagi o‘yinga qaratish kerak — finalgacha yo‘qotishlar bo‘lmasligi uchun.

Biz g‘alaba qozonishimiz shart. Aks holda — bu bosib o‘tilgan yo‘lning qadri qolmaydi.”