“Betis” hujumchisi Antoni Konferensiyalar Ligasi yarim finali javob uchrashuvida “Fiorentina”ga qarshi bahsda (2:2) gol urdi va bir golli pas berdi. Jamoa ikki o‘yin natijasiga ko‘ra (2:1, 2:2) finalga yo‘l oldi.

25 yoshli braziliyalik futbolchi final hushtagidan so‘ng ehtirosga berilib, maydonda ko‘z yosh to‘kdi.

Antoni joriy mavsumda Konferensiyalar Ligasidagi statistikasi:

4 ta gol

3 ta assist

8 ta o‘yin

U 2025 yil 25 yanvar kuni “Manchester Yunayted”dan “Betis”ga ijara asosida kelgan edi.

Finalda “Betis” 28 may kuni Vroslavda “Chelsi”ga qarshi maydonga tushadi. G‘olib jamoa kelasi mavsum Yevropa Ligasi umumiy bosqichida qatnashish huquqini qo‘lga kiritadi.