Michel Sanches sog‘lig‘i tufayli "Vilyarreal"ga qarshi o‘yinni o‘tkazib yubordi.

"Jirona" bosh murabbiyi chap oyog‘ida chuqur tomir trombozi tashxisi qo‘yilgani sababli o‘yinda ishtirok etmadi. U uch kun kasalxonada yotib, bugun ishga qaytdi.

Ispaniyalik mutaxassisning aytishicha, u dastlab ko‘krak qafasini tekshirish uchun kasalxonaga yotqizilgan. Trombozning sababini aniqlash uchun u hali ham testlardan o‘tishi kerak.

Ispaniya chempionati avvalgi mavsumida uchinchi o‘rinni egallagan "Jirona" joriy mavsumda 35 turdan keyin 15-o‘rinda bormoqda.