"Yuventus" Jeep bilan homiylik shartnomasi uchun 69 million yevro oladi.
Italiya klubi 2028 yilga qadar shartnoma imzolaganini ma’lum qildi.
"Shartnoma asosiy homiy sifatida Jeep brendidan foydalanishni nazarda tutadi. Uning nomi barcha musobaqalarda, jumladan, UEFA va FIFA shafeligida o‘tkaziladigan musobaqalarda ham asosiy jamoa liboslarida yoziladi.
Shartnoma joriy mavsumdan, jumladan klublar o‘rtasidagi jahon chempionatidan boshlanadi.
Shartnomada 69 million yevro miqdorida belgilangan to‘lov ko‘zda tutilgan bo‘lib, shundan 4 million yevro 2024/25 mavsumining qolgan qismi uchun, 19 million yevro 2025/26 yilgi mavsum uchun va qolgan ikki yil uchun 23 million yevrodan daromad olinadi.
UEFA musobaqalarida ishtirok etmagan taqdirda to‘lovlarda o‘rtacha pasayish kuzatiladi”, — deyiladi “Yuventus” bayonotida.













