"Barselona" bosh murabbiyi Xans-Diter Flik 15 may, payshanba kuni bo‘lib o‘tadigan "Espanyol" bilan La Liga 36-tur uchrashuvi oldidan Kataloniya klubi chempionligini nishonlash imkoniyati haqidagi savolga javob berdi.
"O‘yin oldidan gapirish yoki nishonlash haqida o‘ylash yaxshi fikr emas deb o‘ylayman. O‘yinga e’tibor qaratish kerak. Ikki yil oldin nima bo‘lganini televizorda ko‘rganman. Hammasini hurmat bilan qilish kerak. Biz uch ochko uchun kurashishimiz kerak, bu to‘g‘ri ish", - dedi Flik.
35ta o‘yindan so‘ng “Barselona” Ispaniya chempionati jadvalida peshqadamlik qilmoqda. Jamoa 82 ochko to‘pladi. Ikkinchi o‘rinda 75 ochko to‘plagan "Real Madrid" joylashgan.
