Qanot hujumchisi Dan Ndoye chorshanba kuni "Bolonya"ning Italiya kubogidagi tarixiy g‘alabasining qahramoni bo‘ldi.

"U Yevropaning yarmini o‘ziga qiziqtirdi, ammo uning goli bilan Italiya kubogini yutish o‘zgacha narsa edi. Uni baxtli ko‘rish juda ta’sirli edi. U shunchalik xursand ediki, kimga qarshi gol urganini deyarli unutib qo‘ydi", - deydi futbolchining agenti.

Agent, shuningdek, "Napoli" yanvar oyidan beri Ndoyeni sotib olishga urinayotganini tasdiqladi.

Ndoye joriy mavsum “Bolonya” safida 39 ta o‘yinda maydonga tushib, 9 ta gol va 5 ta golli uzatmaga mualliflik qilgan.