Sesk Fabregas A Seriyada oyning eng yaxshi murabbiyi deb topildi.
"Komo" bosh murabbiyi sport gazetalari direktorlari ovoz berishda g‘alaba qozonib, may oyi uchun mukofotni oldi. Ular "texnik va sport mezonlari va o‘z jamoalarining o‘yin sifatini, shuningdek, o‘yinchilarning o‘yinlar vaqtidagi xatti-harakatlari va halol o‘yinini" baholadilar.
May oyida "Komo" uchta o‘yin o‘tkazib, ikkitasida g‘alaba qozongan va bitta durang qayd etgan. Klub 37-turdan keyin 49 ochko bilan turnir jadvalida 10-o‘rinda bormoqda.
