"Ipsvich" bosh murabbiyi Kiran Makenna jamoa forvardi Liam Delapning kelajagi haqida gapirdi.
"Ha, u kelasi mavsum uchun ehtimoliy variantlarni ko‘rib chiqmoqda. Biz uni bu borada qo‘llab-quvvatlaymiz," - dedi Makenna.
Eslatib o‘tamiz, mavsum yakunlariga ko‘ra "Ipsvich" APLni tark etadi.
Insayder Fabrisio Romanoning yozishicha, 22 yoshli ingliz bungacha "Chelsi" va "Manchester Yunayted" vakillari bilan uchrashgan. U - bir necha klublarning ushbu transfer oynasidagi maqsadi.
Joriy mavsumda hujumchi 39 ta o‘yinda 12 ta gol urdi va 2 ta golli uzatmani amalga oshirdi.













