Turinning "Yuventus" klubi bilan unchalik omadli bo‘lmagan tajribasidan so‘ng, Tyago Motta top-klub bilan yangi imkoniyatga ega bo‘lishi mumkin. Gap o‘ziga yangi mutaxassis qidirayotgan "Milan" bilan ehtimoliy kelishuv haqida ketmoqda.
Calciomercato xabariga ko‘ra, "Milan" rahbariyati allaqachon Mottaning atrofidagilar bilan uchrashmoqda - uning talablari va klub bilan ishlash imkoniyatlarini o‘rganmoqda. Hozircha aniqlik kiritilmagan. Ammo tez orada u paydo bo‘lishi mumkin.
Eslatib o‘tamiz, Italiya A Seriyasida yakunlangan mavsumni "Milan" turnir jadvalida faqatgina sakkizinchi o‘rinda yakunladi. Klub oxirgi marta uch yil oldin - 2022 yilda Italiya chempioni bo‘lgandi.
