Tailandning Bangkok shahrida boks bo‘yicha "Thailand Open" xalqaro turnirida chorak final bahslari doirasida O‘zbekiston terma jamoasining 6 nafar bokschisi ringga ko‘tarildi.
Chorak final janglarining navbatdagi kunida Faryozbek Do‘smatov -55 kg. vazn toifasida hindistonlik Bartval Pavanni 5:0 hisobida mag‘lub etib, yarim finalga chiqdi. Farzona Fozilova vazni -48 kg. bo‘lgan qizlar o‘rtasidagi bellashuvlarda indoneziyalik Merlin Tomatalaga hech qanday imkon qoldirmadi va 1/2 final ishtirokchisiga aylandi.
Shuningdek, o‘z vazn toifalarida Feruza Kazakova, Shodiyorjon Meliqo‘ziyev va Samandar Jalolov kabi charm qo‘lqop ustalarimiz 1/4 final bosqichidan muvaffaqiyatli o‘tdi. Afsuski, Sayat Ilyasov musobaqadagi ishtirokini chorak finalda yakunladi.
Eslatib o‘tamiz, "Thailand Open" xalqaro turnirida bundan avval yana to‘rt nafar bokschimiz yarim final bosqichiga yo‘llanmani qo‘lga kiritgan edi.
Bugun ham chorak final bahslari davom etadi. Kun davomidagi janglarda 6 nafar bokschilarimiz yarim final uchun ringga ko‘tariladi.
Juftliklar bilan tanishing:
-85 kg: Nusrat Tohirov – Hussein Iashash (Iordaniya)
-51 kg: Sabina Boboqulova – Mun Gayeon (Janubiy Koreya)
-70 kg: Oysha Toirova – Anastasia Chernokolenko (Ukraina)
-75 kg: Javohir Abdurahimov – Timur Nurseitov (Qozog‘iston)
-57 kg: Nigina O‘ktamova – Ge Yaqi (Xitoy)
-75 kg: Aziza Zokirova – Ju Yashu (Xitoy).
