"Arsenal" bosh murabbiyi Mikel Arteta o‘z klubida sovrinlar yo‘qligi sababli tanqid ostiga olindi. "Kanonirlar"ning afsonaviy sobiq hujumchisi Tyerri Anri esa buni tushunishini aytdi.

"Men tushunaman, eng boshida, siz kelganingizda va u hali sizning jamoangiz emas, siz xohlagan hamma narsani o‘zgartirish uchun kamida uch yoki to‘rtta transfer oynasi kerak. Bu vaqt talab etadi va menejerga o‘z g‘oyalarini amalga oshirishi uchun bu vaqtni berish kerak.

Endi, so‘nggi uch yil ichida "Arsenal" hech bo‘lmaganda bitta sovrin yutishi yoki finalga chiqishi kerak bo‘lgan vaziyatga tushib qoldi. "Manchester Yunayted" so‘nggi besh yil ichida beshta finalda o‘ynadi. "Arsenal" esa so‘nggi uch yil ichida jamoani qurishda hech qachon finalga chiqa olmagan. Shunday ekan, men kuboklar uchun kurashish vaqti kelmadimi?, deb so‘ragan muxlislarni tushunaman.

“Arsenal”dan hafsalamiz pir bo‘ldi demayapman, lekin odamlar jamoa hozir nima qilayotgani haqida savollar berishlari tabiiy", - deydi Anri.

Qo‘shimcha qilishimiz kerakki, "Arsenal" APL mavsumini ketma-ket uch mavsum kumush medallar bilan yakunladi.