"Арсенал" бош мураббийи Микель Артета ўз клубида совринлар йўқлиги сабабли танқид остига олинди. "Канонирлар"нинг афсонавий собиқ ҳужумчиси Тьерри Анри эса буни тушунишини айтди.
"Мен тушунаман, энг бошида, сиз келганингизда ва у ҳали сизнинг жамоангиз эмас, сиз хоҳлаган ҳамма нарсани ўзгартириш учун камида уч ёки тўртта трансфер ойнаси керак. Бу вақт талаб этади ва менежерга ўз ғояларини амалга ошириши учун бу вақтни бериш керак.
Энди, сўнгги уч йил ичида "Арсенал" ҳеч бўлмаганда битта соврин ютиши ёки финалга чиқиши керак бўлган вазиятга тушиб қолди. "Манчестер Юнайтед" сўнгги беш йил ичида бешта финалда ўйнади. "Арсенал" эса сўнгги уч йил ичида жамоани қуришда ҳеч қачон финалга чиқа олмаган. Шундай экан, мен кубоклар учун курашиш вақти келмадими?, деб сўраган мухлисларни тушунаман.
“Арсенал”дан ҳафсаламиз пир бўлди демаяпман, лекин одамлар жамоа ҳозир нима қилаётгани ҳақида саволлар беришлари табиий", - дейди Анри.
Қўшимча қилишимиз керакки, "Арсенал" АПЛ мавсумини кетма-кет уч мавсум кумуш медаллар билан якунлади.
